April 22 - 24, 2022 chhung hian Mizoram Presbyterian Kohhran chuan Pastor Bial tinah Bial Inkhawmpui an hmang ang.
April 22 (Zirtawpni) zanah Palai Lawmna & Report Inkhawm neih a ni ang a, April 23 (Inrinni) nilengin Rorel a ni ang a, zanah vantlang Pathian Biak inkhawm neih a ni ang. April 24 (Pathianni) chawhma, chawhnu leh Zanah te vantlang Pathian Biak inkhawm neih a ni ang a. Chawhnu inkhawmah Lalpa Zanriah Sakramen theh a ni ang a, zan inkhawmah Bial Chairman kalchhuak ten Valedictory Sermon an sawi ang. Pathian Biak Inkhawm hun hrang hrangah thupui sawi tura ruatten thuchah an sawi bawk ang. Inkhawmpui hman dan tur leh programme kimchang chu Bial Standing committee-in an ngaihtuah thin a ni.
Mizoram Presbyterian Kohhran chuan Bial Inkhawmpui hi rualkhai taka hman anih theih nan a hun tur hi Synod-in ruahmanna siamin April thla Pathianni vawi 4-na hmanga neih thin a ni a, chutihrualin engemaw rokhawlhna avanga hmang hma hret leh hmang tlai hret an awm thin bawk.