Vawiin (April 25, 2022) khan Chin Global Christian Association (CGCA) hruaitute Synod Office-ah lengin Rev. V.L. Luaia Hranleh, Executive Secretary leh Upa B. Lalhmunliana, Synod Secretary (Jr.) ten an lo dawngsawng.
Myanmar ram buai avanga harsatna tawkte tanpui turin khawvel hmun hrang hranga Chin awm (Chin Global Christian Association) hruaitute chuan Chin, Myanmar-a awmte leh raltlante a hmunah rawn kal chilhin an rawn tanpui a. Tanpuina dawngtuten Mizoram mipuite hnathawh leh thilpek ropui an tihzia leh Mizorama Kohhran hrang hrangte hmangaihna luang khawm dawngtu nih lawmawmzia hahipin an lo hrilh a. CGCA hruaitute - USA, Denmark, Australia, Switzerland leh New Zealand atanga lo kalte hian tanpuina petute zawng zawng chungah lawmthu sawi theih an chak hle a, Media kal tlang hian lawmthu an sawi a ni.