Presbyterian Church of India Biennial General Assembly vawi 44-na, April 28 - May 1, 2022 chhunga Umroi Presbyterian Church, Meghalaya (Ri Bhoi Synod) a neih turah Mizoram Synod atanga palai tura ruatten vawiin (April 27, 2022) khan Aizawl an chhuahsan.
Mizoram Synod atanga palai turte hi J.M. Lloyd Hall, Synod Office-ah inhmukhawmin chawhnu dar 1:30 khan Bus 5 leh lirthei dang hmangin an chhuak a, an vaiin palai 150 chuang an kal a ni.
Naktuk (April 28, 2022) hian PCI Committee pahnih – Executive Committee leh Nomination Committee an thu ang a, April 29 & 30, 2022 hian chhun lamah Rorel inkhawm neih a ni ang. Zan lamah vantlang Pathian Biak inkhawm neih a ni ang.
May 1, 2022 (Pathianni) zingkar hian Lalpa Zanriah Sakramen an kilho ang a, chawhma dar 10:30-ah vantlang Pathian Biak inkhawm a awm ang a, hemi hunah hian Rev. Lalramliana Pachuau, PCI Ex-Moderator, Mizoram Synod chu Pathian thuchah sawi tura ruat a ni a, mahse a kal remchan theih loh avangin a aiah Rev. Dr. Vanlalnghaka Ralte, Moderator, Mizoram Synod chu ruat a ni a, chawhnu leh zanah Vantlang Pathian Biak inkhawm neih leh a ni ang. Inkhawm apiangin Kohhran zaipawl te an zai bawk ang.
PCI General Assembly hi kum khat dana neih thin a ni a. Kum 2004-ah Dawrpui Kohhran (Aizawl)-ah leh kum 2012-ah Champhai Vengsang Kohhranah te nghah a lo ni tawh a ni.
Update :
Presbyterian Church of India (PCI) General Assembly vawi 44-na chu April 28 - May 1, 2022 chhung khan Umroi, Meghalaya-ah neih niin Ri Bhoi Synod-in an thleng. Kumina an thupui chu "Rinawmin awm rawh" (Thup 2:10) tih a ni. Assembly-ah hian palai 521 an kal a, Mizoram Synod atangin Palai 135 an kal a ni.
Puipate :
Moderator : Rev. B.B. Lamin
Moderator Elect : Rev. Khamchinkhaia
Secretary (Sr.) : Rev. Dr. K. Lallawmzuala
Secretary (Jr.) : Rev. J.R. Thabah
Treasurer : Rev. H.L. Myrsingh
Statistician : Rev. Arjones Phangcho
Rorelte :
1. PCI Staff Service Rules ennawn a ni a, engemaw zat siam danglam a ni.
2. PCI General Assembly kum 100-na chu kum 2026-ah lawm ni se, PCI Executive Committee-in a tul anga lo bawhzui tura rel a ni.
3. PCI Dan Bu ennawn a ni a. PCI Executive Committee-in a ruahman sa chu pharh a ni a, a tlangpuiin pawm a ni a. Hman nghal tura lo zut mam turin PCI Executive Committee kutah dah a ni.
4. Thurin VII-na Thlarau Thianghlim chuan Khawngaihna hna a thawhin thu tih dawtah Hlate tih belh a ni.
5. Synod Inkhawmpuia Presbytery atanga dan zawh kim 400 aiawha palai pakhat kan intirh thin chu dan zawh kim 500 aiawha palai pakhat intirh tawh tur a ni.
6. Administrative Secretary 2022 - 2025 atan Rev. Sawitinkai Vaiphei, Manipur Synod thlan a ni.
7. Synod Pastoral Committee member, Presbytery atanga mi 3 kan ruat thin chu 2 ruat thin tawh tura rel a ni.
8. KJP Synod Mihngi chhunga Presbytery 6 huama Paleng Synod (Provisional Synod) piantir tura PCI Executive Committee rawtna chu pawm a ni.
9. Mizoram Synod hnuaia Manipur Area chu Provisional Synod tura pawm a ni a, a hming atan Tangphai Synod tih a ni ang a, a tul apiang chu PCI Executive Committee bawhzui tura dah a ni.
10. PCI-a Administrative Secretary tia kan hman mek General Secretary tia a hming thlak tura rawtna chu dahthat rih a ni.
11. Rev. L.D. Nongsiej, Administrative Secretary tanglai chu term laklawha thlak a ngaih avangin 2022 - 2023 atan Rev. B.R. Kharnaior, KJP Synod Sepngi chu raw a nih angin pawm a ni.
12. PCI Executive Committee-in Co-ordinator neih a rawt chu an rawt ang hian pawm a ni a, a tul angin PCI Executive Committee-in bawhzui tura rel a ni.
13. Mizoram Synod atanga thu lut mahni intihlum vui dan tur chungchang chu hetiang hian rel a ni :
i) Tupawh mahni intihlum te chu vui dan pangngaia vui tur a ni.
ii) Minister leh Kohhran Upa mahni intihlum chu Biak Inah vui loh tur a ni.
14. Dr. Lalthansangi Fanai, Presbyterian Women Fellowship (PWF) hruaitu tanglai (Central Kohhran Hmeichhe Asst. Secretary) chu kum 2023 - 2025 chhunga PWF Chairperson atana ruat a ni.
15. PCI General Assembly vawi 44-na ah hian Pastor 46 sun an ni.
16. PCI hnuaia Synod 11 atangin Secretary-te report chu pawm a ni.
PCI General Assembly hi kum khat dana neih \hin a ni a. Kum 2004-ah Dawrpui Kohhran (Aizawl)-ah leh kum 2012-ah Champhai Vengsang Kohhranah te nghah a lo ni tawh a. 45th PCI General Assembly chu May 2 - 5, 2024-ah Mizoram Synod-in an thleng ang.
For more Pics Click Here