Mizorama Thalai Inkhawmpui lian ber Kristian Thalai Pawl (KTP) General Conference vawi 59-na, Diakkawn Field, Kolasib-a nghah chu zanin (May 5, 2022) atang hian tan a ni dawn ta. Conference hian May 8, 2022 (Pathianni) zan thleng a awh ang. KTP General Conference hi ruahmanna hmasaah chuan March 3 - 6, 2022 chhunga neih tura rel a ni a, Covid-19 hripui leng avangin a hun hi sawn hlat a ni.
KTP General Conference vawi 59-na thupuiah ‘Tunlai thil awmzia’ (Rom 13:11) tih hman a ni a, Speaker atan Revd Chuauthuama, Ramhlun Vengchhak a ni ang.
Vawiin (May 5, 2022) hi palai thlen kim ni a ni a, zanah Palai Lawm Inkhawm neih a ni ang. Inkhawm hi CKTP Leader Rev. Vanlalmuanpuia Khiangte in a kaihruai ang a, Rev. Dr. K. Lallawmzuala, Executive Secretary i/c KTP-in kumpuan hawn leh kumpuan thupui hlanna a nei ang. Rev. Z.D. Lalhmachhuana, Synod Secretary (Sr.) in Synod Choir Music Video hlanna hun a hmang ang a, Synod Moderator Rev. Dr. Vanlalnghaka Ralte in Pathian thuchah a sawi ang.
May 6, 2022 (Zirtawpni) chawhmaah Rawngbâwlna Report Inkhawm neih a ni ang a, chawhnuah Fakna Inkhawm neih a ni thung ang. Zan Pathian Biak Inkhawmah Rev. Dr. K. Lallawmzuala, Executive Secretary i/c KTP-in Pathian thuchah a sawi ang a, inkhawm banah Fellowship a awm ang.
May 7, 2022 (Inrinni) zing dar 9:00-ah kum 2022–2024 chhunga Central KTP hruaitu thar thlan a ni ang a, hemi hnu hian Conference rorel inkhawm neih chhunzawm a ni ang. Tun tumah hian General Agenda 10 chhawpchhuah a ni a, Agenda floor-a sawiho lova inhrilhfiah tur engemaw zat a awm bawk. Kum 2022-2023 Central KTP Budget ruahmanna leh Bial Budget ruahmanna te pharh a ni bawk ang.
Rorel hlan hian chawhma lamah Multiplex Programme hman tur a ni a, Kolasib Diakkawn Kohhran Biak Inah ‘Ram leh hnam siamthat kawnga thalaite mawhphurhna’ tih thupui hmangin Rev. V.L. Luaia Hranleh, Executive Secretary, Mizoram Synod-in thuchah a sawi ang a, Kolasib New Diakkawn Kohhran Biak Inah ‘Kristian Thalai - Chhungkuaah’ tih thupui hmangin Upa R. Lalhmingthanga, Republic Vengthlangin thuchah a sawi ang a, Kolasib Venglai Kohhran Biak Inah ‘Nupui Pasal Inneih’ tih thupui hmangin Upa Prof. H. Lalthanzara, Nursery Vengin thuchah a sawi thung ang. Chawhnuah Variety Programme neih a ni ang a, Variety Programme-ah hian zai lam chi te, group recitation, lemchan leh faklâm ti tur 11 lai ruat an ni.
Zan inkhawm atangin Conference thupui ngaihthlak tan a ni ang a, Revd Chuauthuama hnen atangin Pathian thuchah ngaihthlak a ni ang. Inkhawm banah Fellowship neih leh a ni ang.
May 8, 2022 (Pathianni) chawhma leh chawhnuah Speaker hnen atangin Conference thupui ngaihthlak a ni leh ang a, zan inkhawmah Synod Moderator Rev. Dr. Vanlalnghaka Ralte-in kum 2022 - 2024 CKTP hruaitu thar hlanna hun a hmang ang a, CKTP Leader kal chhuak Rev. Vanlalmuanpuia Khiangte-in Pathian thuchah a sawi ang. Inkhawm apiangin zaipawl 6 - 7 zai tura beisei an ni.
KTP General Conference video coverage buaipuitu tur Synod Information & Publicity (Synfo) thawktuten May 3, 2022 (Thawhlehni) khan Kolasib hi an thleng tawh a, Hruaina Eng Channel (LPS Channel 123-ah & ZONET Channel 12) leh CKTP Youtube Channel-ah LIVE a pekchhuah tum a ni.
KTP General Conference 2022 Programme Click Here
-----------------------------------------------------------------------------------------------------------------------
2021 Bial KTP Report Khaikhawmna
Bial dinhmun tlangpui :
1. Bial awm zat 216 (Report lut zat 216)
2. Member tamna Bial 3
1) Ramhlun North - 2256
2) Champhai Vengthlang - 2242
3) Mission Veng - 2219
3. Member tlemna Bial 3
1) Buarpui - 30
2) Pune - 65
3) Chawngte L - 91
4. Branch awm zat - 891 (Ramchhung - 846, Rampawn - 45)
5. Member awm zat - 1,57,830 (Mipa – 97,542; Hmeichhia – 60,288)
6. Member tamna Branch 3
1) Mission Veng - 1477
2) Ramhlun North - 1231
3) Chanmari - 1176
7. Member tlemna Branch 3
1) Peren (Kohima Bial) - 3
2) Rotlang East (Hnahthial Bial) - 4
3) Andermanik (Tuipuibari Bial) - 6
8. Member thi zat 456 (Mipa – 386; Hmeichhia – 70)
9. Member thi awm miah lohna bial awm zat - 60
10. Kristian Thalai la tam Bial 3
1) Republic Veng - 1268
2) Venghnuai - 1105
3) Venghlui - 1098
11. Innei zat - 3836
1) Biak In-a innei zat - 1815 (47.31%)
2) Hmun danga innei zat - 2021 (52.69%)
12. Bial hminga sum thawkchhuak tam Bial 3
1) Khawbung (Rs.7,66,276/-)
2) Ruantlang (Rs. 7,46,234/-)
3) Dawrpui Vengthar (Rs.7,39,135/-)
13. Branch sum thawkchhuah tamna Bial 3
1) Keifang(Rs.57,56,306/-)
2) Chaltlang (Rs.55,11,029/-)
3) Dawrpui Vengthar (Rs.55,09,803/-)
14. Bial hminga missionary chawm zat - 502.5
15. Branch-in missionary a chawm zat - 4115
16. Bial leh Branch Missionary chawm zat belhkhawm - 4246
17. Missionary-a chhuak belhkhawm - 1004
i) Missionary-a chhuak thar (Synod Mission Board hnuai) - 48
ii) Missionary-a chhuak thar (Synod Mission Board hnuai ni lo) - 46
18. Ram puma Thawhtan zan inkhawm chawhrual - 28510.37 (18.06%)
19. Member inkhawm thatna Bial 3-te :
1) Buarpui - 50.00%
2) Hmawngbu - 50.00%
3) Phainuam - 46.60%
--------------------------------------------------------------------------------------------------------
May 7 (Inrinni) khan Tumpui Kohhran Biak Inah Synod Moderator Rev. Dr. Vanlalnghaka Ralte kaihhruaiin kum 2022 - 2024 chhunga Central KTP hruaitu tur thlanna neih a ni a, hetiangin Office Bearers chanvo insiamrem a ni:
Leader : Rev. Dr. F. Pachhunga (Synod ruat)
Assistant Leader : Pu LV Lalthantluanga, Chanmari Bial
General Secretary : Upa Rochungnunga (Synod ruat)
Assistant Secretary : Upa Johny Lalawmpuia, Armed Veng Bial
Treasurer : T.Upa PC Vanlalnunmawia, Venghnuai Bial
Finance Secretary : Upa F. Zoherliana, Luangmual Bial
Committee Member-te :
1. Tv. Malsawmdawngliana, Republic Veng Bial (Kristian Thalai Editor)
2. Tv. Vanromawia, Chhinga Veng Bial (Synod Choir Director)
3. Pu Lalrempuia, Chanmari West Bial
4. Pu Jonathan Lalhruaitluanga, Kulikawn Bial
5. Upa Lalchharmawia, Zemabawk North Bial
6. Pu K. Lalfakzuala, Dawrpui Vengthar Bial
7. Pu H. Rosangzuala, Bawngkawn Bial
8. Tv. C. Lalbiakmawia, Ramhlun North Bial
9. Pu Lalnunsanga, Durtlang Bial
10. T. Upa Lalbiakthuama, Tuikual Bial
11. T. Upa Robert Lalrinawma, Ramthar Veng Bial
12. Pu R. Lalmalsawma, Khatla Bial
13. Tv. Rinsailova Sailo, Electric Veng Bial
14. Pu Lalruatfela, Chaltlang Bial
15. Pu F. Lalremruata, Dawrpui Bial
16. Tv. PC Lalthanmawia, Vaivakawn Bial
17. T. Upa TC Lalremsiama, Zuangtui Bial
18. Tv. C. Lalkhawngaiha, Mission Vengthlang Bial
19. Pu Rossi Lallawmawma, Mission Veng Bial
20. Pu. C. Hmingthanzauva, Bungkawn Bial
21. Nl. F. Lallianzuali, Zonuam Bial
22. Tv. Lalrinngheta, Asst. Coordinator
Rorel palai hi chhimtute nen an vaiin 1076 an ni a. Kum 2022-2023 Budget atan Rs. 66,10,000 chu pawm a ni.
KTP General Conference vawi 60-na kum 2024-ah Ngopa-ah nghah a ni a, a vawi 61-na (kum 2026) chu Saitual-ah nghah a ni.