Vawiin (May 10, 2022) chawhma dar 10:00 khan Worship Committee (Special Meeting), J.M. Lloyd Hall, Synod Office-ah neih a ni a, Aizawl chhung atangin 30 leh Aizawl pawn atangin 44, an vaiin member 74 an kal.
Meeting hi Rev. Dr. Vanlalnghaka Ralte, Synod Moderator-in a kaihruai a, Rev. Dr. K. Lallawmzuala, Executive Secretary i/c Worship hnen atangin Secretary Report ngaihthlak a ni.
Tun tumah hian Kohhran Pathian biak inkhawm kalhmang zirchian thu te, Kristian Hla bu-a hla serhte duh duha kaihlek a nih loh nana humhalh thu te, Kristian Hla bu ennawn chungchanga hmalak dan tur te chu thu ngaihtuah tur langsar zualte an ni.