Vawin (May 18, 2022) chawhma dar 10:00 atang khan Synod Finance Committee vawi 141-na chu J.M Lloyd Hall, Synod Office-ah an thu a, committee member 52 kalin Aizawl khawchhung atangin 20 leh Aizawl khaw pawn atangin 32 an kal. Committee hi naktuk (May 19, 2022) hian neih chhunzawm a ni ang.
Committee hi Synod Moderator Rev. Dr. Vanlalnghaka Ralte in a kaihruai a, Secretary report leh Finance Officer Report ngaihthlak a ni. Synod Office leh Synod hnuaia Department hrang hrang Internal Audit tluang taka neih thu leh Financial Statement leh Audit Report-te pawh a bu a siam fel a nih tawh thu te, kumin chhungin hmun 2-ah Accounts Training neih thu te Secretary report-ah tarlan a ni.
Tun tum Synod Finance Committee-ah hian thu ngaihtuah tur chhawpchhuah (agenda) 6 a awm a, Budget Reprovision dilna te, Chartered Accountant rawih chhunzawm tur chungchang te, Synod Reserved Fund dah chungchang te, Mission Reserved Fund dah chungchang te leh Statement of Account & Audit report thlirho te chu a langsar zualte an ni.