Vawiin (May 19, 2022) khan Synod Bookroom chuan alo tih thin angin Synod Bookroom Distributor’s Meet 2022 chu Synod Office, Devotion Hall-ah an hmang.
Programme hi zing dar 10:00-ah tanin Pu Lalniliana, Manager, Synod Bookroom chuang hawngin inlawmna thu a sawi a. Report-a a lan danin Financial Year kalta (2021-22) chhung khan Covid-19 hripuiin nasa taka a tihbuai karah Synod Bookroom hnuaia Distributors 42 te chuan an budget Rs. 1,66,00,000/- chu vanneihthlak takin an khum thei a, chu mai ni lovin kum hmasa lama an thawhchhuah pawh Rs. 33,61,914.00 in an khum thei bawk.
Financial Year kalta khan Distributor 42 zinga 24-in an target te tha takin an khum thei a, Distributor 42 te zinga 32 ten hripui karah kum hmasa lama an thawhchhuah an khum thei bawk.
Chawhnu lamah Pu Lalniliana, Bookroom Manager chuan Meet kaihruaiin Mizoram puma Branch hrang hrangte atangin report leh rawtnate ngaihthlak a ni a. Kum kaltaa Bookroom rawngbawlna hrang hrang thlirletna leh sawizauna neih niin infuih tharna leh hmalak dan tur inhrilhhriatna neiin hun hlawkthlak tak hman a ni.
Tun dinhmunah Synod Bookroom hian Distribution Centre 42 nei mekin a thar pahnih hawn leh tura pawm fel tawh a ni bawk. Synod Bookroom hian Mizoram pawn Shillong-ah pawh Distribution Centre hi a hawng tawh nghe nghe a ni.
