Vawiin (June 5, 2022) hi Pentikos Ni a ni a. Pentikos tih awmzia hi 'Sawmngana' tihna a ni. Thuthlung Hluiah chuan Kalhlen Kut tiak ni atanga ni sawmngana-ah an hmang thin a. Thuthlung Thar hunah erawh chuan Isua Thawhleh tuk (Easter) atanga ni 50-naah hman a ni.
Pentikos Ni-ah hetiang hian thupui inang tlang zirho a ni ang:
Chawhma Inkhawm:
Thupui : Tichaktu - Thlarau Thianghlim
Chhiar tűr : Ezekiela 37 : 1 - 14, Tirhkohte 3 : 1-10
Chawhnu Inkhawm:
Thupui : Thlarauvah awm rawh u
Chhiar tűr : Johana 14:15-18, Galatia 5:16&17, 24&25
Zan Inkhawm:
Thupui : Thlarau Thianghlim leh Kohhran
Chhiar tűr : Matthaia 16:13-20 ; Tirhkohte 4:32-35
Zan inkhawmah PCI Assembly puala thawhlawm lak khawm tur a ni ang a. Thawhlawm lak khawmte hi Chanchin Tha hrilna atana hman thin a ni. Thawhlawmte hi Form 'F' hmangin Bial Treasurer kal tlanga Synod Office-ah thehluh tur a ni. PCI Office, Shillong atangin thuchah leh tawngtai thupui an siam bawk. PCI General Assembly chuan kum 2022 Assembly pual tawngtai thupui atan "Hnam hrang hrang kara Kohhran rawngbawlna" tih a thlang a ni.