Vawiin (May 10, 2022) chawhnu dar 1 khan Synod Higher Secondary School chuan kumin a HSLC leh HSSLC-a zirlai ti tha te chawimawina hun (Felicitation Programme), Multipurpose Hall-ah an hmang.
Programme hi Pu Lalremchhunga Pachuau, Class X Coordinator-in a kaihruai a, Pu Lalsiammawia Fanai, Class IX Coordinator-in hunserh a hmang. Pi Zirkungi Chhakchhuak, Principal, Synod Higher Secondary School leh Pu Lalbiakthanga Khiangte, President, Synod Higher Secondary School Alumni Association hnen atangin thusawi ngaihthlak a ni a, zirlai atangin Ruth Lalrammuani a zai bawk. HSSLC (Arts) Topper Lalrohlui Ralte biangbiakna leh zirlai dangte atangin thusawi ngaihthlak a ni a. Zirlai ti tha te hi Synod Higher Secondary School leh Alumni Association hmingin thilpek hlanna hun hman a ni.