Nimin (June 13, 2022) khan Synod Committee Room-I-ah Former Legislature Association of Mizoram (FLAM) hruaitute chuan “Nakkum (2023) November thlaa MLA inthlan lo awm turah Inthlanna thianghlim a awm theih nana hmalakho dan tur sawipuiin Synod hruaitute an kawm a. Inthlanna dik, felfai leh thianghlim a awm theih nan Political party zawng zawng te, MPF te, Kohhran leh NGO zawng zawng ten politics khelh dan dik lo leh thianghlim lo kan dodal theuh theih nana lungrual taka ke pen ho an duh zia uar takin an sawi tlang a. Sawi theihna (platform) awm remchanna theuhah sawi thin turin an inchah a ni.”
FLAM hruaitute hi an President Pu Liansuama leh General Secretary Pu T.C Pachhunga hovin mi 6 an tel a, OM member-te zingah damlohna avangin Senior Executive Secretary Rev. C. Zorammawia a tel thei lo a ni. An inkawm khawmna hian rah tha chhuah se an duh thu an sawi a ni.