Vawiin (June 17, 2022) khan Presbyterian English School (PES) hnuaia HSLC result tha lawmna, J.M. Lloyd Hall, Synod Office-ah neih a ni.
Programme hi Pi Zirkungi Chhakchhuak, Synod Education Board Secretary-in a kaihruai a, Upa Dr. Laithanzauva, Synod Education Board Member-in hunserh hmangin Pu P.C Vanlalhruaia, Supervisor of Schools-in inhmelhriattirna leh report a pe a ni. Synod Moderator Rev. Dr. Vanlalnghaka Ralte in thu sawiin School ti thate lawmman a sem a, Rev. Dr. K. Lallawmzuala, Executive Secretary i/c Education-in thu sawiin mimal ti thate hnenah lawmman a sem bawk. Synod Office Staff ten PES Theme Song an sa a, Nl. Zoramchhani, Chanmari leh Nl. Melody Lalzirliani, Leitan Ramthar te an zai bawk. Rev. R. Lalchangliana, Synod Education Board Member-in kalkhawmte chungah lawmthu a sawi a, Rev. Vanlalmuanpuia Khiangte, Synod Education Board Member-in malsawmnain hun a khar a ni.
Zirlai ti thate chawimawina hunah hian Distinction-a pass mi 97-te hnenah lawmpuina Rs.10,000/- (Singkhat) theuh hlan an ni. PES zirlai zinga HSLC result-a Top 3 te tan Special Award siam a ni a, lawmman dawngtute chu :
1. Elizabeth Lalhlimpuii D/o Lalrintluanga Chawngthu, Tlungvel PES - Rs. 16,000/- leh Citation
2. Lalmuankimi D/o Lalmuansanga, Mamit PES - Rs. 15,000/- leh Citation
3. Lalhruaitluanga Sailo S/o Zirkunga Sailo - Rs. 14,000/- leh Citation
Saitual PES zirlai C. Zorinpuii D/o C. Lalremfela chu Mizo Subject Topper a ni a, lawmpuina Rs. 15,000/- leh Citation hlan a ni bawk.
Heng bakah hian School ti tha 3-te hnenah lawmman hlan an ni a, chungte chu :
1. Mamit PES - Desktop Computer Set + Laser Printer + Cash Award (Rs. 6,000/-)
2. Sihphir Venglai PES - Desktop Computer Set + Cash Award (Rs. 6,000/-)
3. Republic Veng PES - Desktop Computer Set + Cash Award (Rs. 3,000/-)
HSLC Exam beitu zawng zawng hi zirlai 677 an ni a, Distinction-ah 97, First Div.-ah 279, Second Div.-ah 190, Third Div.-ah 54, an vaiin zirlai 620 an pass a, Pass Percentage hi 91.58 a ni. Tun tumah hian school 34 atangin HSLC candidate an nei a ni.
For more pics Click Here