Vawiin (June 29, 2022) khan State Bank of India, Regional Business Office chuan Synod Bookroom Headquarters Building-a hman tur Water Cooler pahnih chu Synod Bookroom hotute hnenah an hlan.
Hlanna hun tawi hi J.M. Llyods Hall, Synod Office-ah hman niin Upa Lalsawmliana, Finance Manager, Mizoram Synod chuan a kaihhruai a, Pu David N. Lhouvum i/c Regional Manager, SBI chuan tangkai taka hman turin Synod Bookroom Manager Pu Lalniliana hnenah a hlan ta a ni.
SBI hotute hian mipui tana an luanchhuahna chi khat atan Water Cooler hi Synod Bookroom-a pek an duh thu hi June thla tir lam khan an rawn thlen a, PRESCOM Department hotute chuan Synod Officers’ Meeting lam rawnin OM phalna leh hriatpuina an hmuh hnuah lawm takin an dawng ta a ni.
