June 28, 2022 khan Mission Development Training Centre (MDTC), Bualpui N-ah Graduation Day vawi 47-na hman a ni a, Synod Mission Board Secretary Rev. R. Lalhmingsanga’n a hmanpui.
Programme hi Pu R. Laldinsanga, Director, MDTC-in a kaihruai a, Upa Vanlalpeka, Chairman, Kawnpui Pastor Bial-in hunserh a hmang a, Director-in inlawmna leh Report tlangpui a pe a, Rev. R. Lalhmingsanga, Mission Board Secretary-in thuchah a sawi a. Result puan leh Certificate hlanna neih a nih hnuah a duh apiang tan thusawina hun hawn a ni bawk. He hunah hian Group zai leh Trainee-te atangin special item ngaihthlak a ni. Kumin hian Veterinary-ah mi 3 leh Carpentry-ah mi 2 ten tluang takin training an zo a ni.
MDTC-ah hian trade hrang hrang 4 - Veterinary, Carpentry, Agri & Horti leh Tailoring-ah te training kalpui mek a ni a. Kum khatah Batch hnih tan training hi hawn thin a ni. First Batch hi February - June chhung an training a, Second Batch hi July - November chhung an training bawk.
MDTC-ah hian thawktu 14 an awm a. Training Centre tih changtlun nana Synod Misson Board hmalaknaah MDTC thawktute chuan lawmthu an sawi a. Kawnpui Pastor Bial leh Bualpui Kohhran ten an ngaihsak thin naah lawmthu an sawi ba