Vawiin (Sept. 7, 2022) chawhma dar 10 atang khan Synod Finance Committee vawi 142-na chu J.M. Lloyd Hall, Synod Office-ah an thu a, committee member 45 kalin Aizawl khawpui chhung atangin 23 leh Aizawl khaw pawn atangin 22 an kal.
Committee hi Synod Moderator Rev. Dr. Vanlalnghaka Ralte-in a kaihruai a, Secretary report leh Finance Officer Report ngaihthlak a ni. Finance Campaign leh Accounts Training Kohhran mal leh Bial hrang hrang hmun 11-ah neih a nih thu te, Synod Bu 2021 leh Financial report 2021-2022 peih fel anih tawh thu te Secretary report-ah tarlan a ni.
Tun tum Synod Finance Committee-ah hian thu ngaihtuah tur chhawpchhuah (agenda) 9 a awm a, Karbi Anglong Presbyterian Church (KAPC) Synod tanpuina dilna chungchang te, Hmangaihna In Office pindan tihzau nan leh Varanda renovate nana sum hman dilna chungchang te, CBM atanga Project Fund hmuh hman dilna chungchang te, Donation sum hman dilna chungchang te chu a langsar zualte an ni.