Synfo leh Central KTP tangkawpin an buatsaih Praise On 2022 Mal zai Intihsiak chu nizan (Sept. 20, 2022) dar 8:30 khan Pathian hnena hlanna inkhawm, Mission Veng Kohhran Hall-ah neih a ni.
Hlanna inkhawm hi Host Nl. Lalremsiami’n kaihruaiin Central KTP General Secretary Upa Rochungnunga’n hunserh a hmang a, Organizing Secretary-in inhmelhriattirna neiin report a pe a. Senior Executive Secretary Rev. C. Zorammawia’n Praise On 2022 Mal zai intihsiak neih tur chu tawngtaiin Pathian hnenah a hlan a ni. He hunah hian Praise On 2016-a pakhatna Nl. R. Lalrinmawii (Arini) leh Mizoram Synod Choir te an zai a, Rev. Dr. F. Pachhunga, Central KTP Leader-in malsawmnain inkhawm a tin a ni.
Praise On 2022 Elimination Round hi September 26, 2022 hian Kolasib-ah neih a ni tawh dawn a, Lunglei-ah September 27, 2022, Mamit-ah September 28, 2022, Serchhip-ah September 29, 2022, Champhai-ah September 30, 2022 leh Aizawl-ah October 3, 2022 atanga 6, 2022 chhunga neih tura ruahman a ni. Second Round, Top 50, Top 20, Top 10 leh Final Round hmanga inelna neih leh a ni ang. Tun tum Praise On 2022 mal zai intihsiaka tel tur hian Branch 170 atangin hming pe 424 an awm a ni.
For more Pics Click Here