Pathian kaihhruaina-in Kohhran hoten Kumin 2022 Beihrual thla chu tluang takin kan hmang chho zel a, vawiin (Sept. 25, 2022) chawhnu leh zan hi Special programme niin chawhnuah Nu leh Pa Ni programme hman a ni ang a, 'Nu leh Pa hlutna' tih thupui zir a ni ang a, Zanah Kristian Chhungkaw Ni programme hman a ni leh ang a, 'Pathianin kan chhungkuaa chen a duh' tih thupui zir ho a ni leh ang.
Beihrual programme hi September 1 atang khan hman tan a ni a. September 1 - 4 chhung khan 'Ramthar Hapta' hman a ni a, September 5 - 18 chhung khan 'Kraws Thu' zirho leh a ni a, September 19 - 25 chhung hian 'Kristian Chhungkaw Hapta' hman a ni leh a ni. Beihrual hi kum 1918 June thla atanga hman tan a ni a, kum 1925 atangin September thlaah neih thin a ni a, kum 1947 atangin Nilai Zan Thupui Bu leh Beihrual Thupui hi bu khata siam tan a ni.