Vawiin (Oct. 4, 2022) chawhnu dar 1:00 khan Stuti Geet Hlabu chu Synod Moderator Rev. Dr. Vanlalnghaka Ralte-in Mission Veng Kohhran Hall-ah Pathian hnenah hlanin a tlangzarh.
Stuti Geet Hlabu tlangzarh inkhawm hi Rev. R. Lalhmingsanga, Synod Mission Board Secretary-in a kaihruai a, Synod Moderator Rev. Dr. Vanlalnghaka Ralte in Pathian hnenah hlanin a tlangzarh. Rev. Zochhuanmawia, Director, Masihi Sangati Kendra-in Hlabu sawizauna a nei a, Synod Mission Choir leh Shabach te an zai bawk. Upa Lalbiakenga Fanai, Coordinator, Synod Mission Board-in lawmthu sawina hun a hmang.
Stuti Geet Hlabu hman mekah hian hla 200 awmin tunah hian hla 250 dah a ni ta a. Hlabu hmasaa la awm ngai lo Tripuri (Kokborok) leh Kawl hla te dah ve a ni ta a. Hla tawi Chorus Hindi, Nepali, Bengali 10 theuh hla 30 dah tel a ni bawk. Hindi Section bikah Sap hla lehlin ho paih deuh vek a ni a, anmahni hla original dah luh a ni. Hla dah dan tlangpui hetiang a ni :
Hindi : 117 (A hlui 71, A thar 36, Chorus 10)
Nepali : 50 (A hlui 24, A thar 16, Chorus 10)
Santal : 23 (A hlui vek, Paih 9)
Bengali : 20 (A hlui 10, A thar 10)
Meitei : 20 (A hlui 14, A thar 6)
Tripuri : 5 (A thar vek)
Kawl : 5 (A thar vek)