Mizoram Synod hnuaia Inkhawmpui lian ber dawttu Presbytery Inkhawmpui chu October 6-9, 2022 chhung hian Presbytery hrang hrangah neih a ni.
October 6 (Ningani) hian Nomination Committee te, Finance Committee te leh Sub - Pastoral Committee te an thu a, Kohhran Upa thlan tharte Exam buatsaih a ni bawk a, zan lamah vantlang Pathian biak inkhawmah Palai lawmna leh Pastor Bial Report ngaihthlak a ni ang.
October 7 & 8 (Zirtawpni leh Inrinni) hian Rorel Inkhawm neih a ni ang a, zan lamah vantlang Pathian biak Inkhawm neih a ni ang. October 9 (Pathianni) chawhmaah Upa Nemngheh Inkhawm, chawhnuah Lalpa Zanriah Sakramen leh Upa thite sunna inkhawm neih a ni ang a, zanah Presbytery Moderator kalchhuak ten Valedictory Sermon an sawi ang.
Synod Puipaten hetiang hian Presbytery Inkhawmpui an hmanpui :
Rev. Dr. Vanlalnghaka Ralte, Moderator - Tuipuiral Presbytery
Rev. Z.D Lalhmachhuana, Synod Secretary (Sr.) - Chhimtawp Presbytery
Upa B. Lalhmunliana, Synod Secretary (Jr.) - Tuichangral North Presbytery
Rev. C. Zorammawia, Sr. Executive Secretary - Tuichangral South Presbytery
Rev. Dr. K. Lallawmzuala, Executive Secretary - Khawthlang Presbytery
Rev. V.L Luaia Hranleh, Finance Officer - Tuivawl Presbytery
Rev. P.C Pachhunga, Finance Officer - Chhimphei Presbytery
Rev. Lalsangbera, Statistician - Hmarchhak Presbytery