Vawiin (Oct. 13, 2022) khan Pi Zaii Hall, Synod Conference Centre-ah Presbyterian Kohhrana Pastor leh Pro. Pastor nupui Intawhkhawm vawi 42-na neih a ni a, Pastor nupui 173 an kal thei a ni.
Chawhma hun hi dar 10-ah tan niin Pi Lalsangpuii w/o Rev. Dr. Vanlalnghaka Ralte, Synod Moderator-in a kaihruai a, Pi Vanlalzawmi w/o Rev. Vanngura, Kulikawn West-in hunserh a hmang a. Dr. Zohmingliani Hrahsel w/o Rev. V.L. Luaia Hranleh, Executive Secretary-in thupuanna hun hmangin inhmelhriattirna hun a hmang a, Sunna hun hman a ni bawk. Aizawl Theological College (ATC) a Pastor nupuite zaipawl ngaihthlak a ni a. "Rilru Hrisel" tih thupui Dr. Ruth Lalmuanpuii w/o Rev. Dr. K. Lallawmzuala, Executive Secretary ziah chu zirho a ni. Synod Officers Meeting (OM) aiawhin Rev. P.C. Pachhunga, Finance Officer-in chibai bukna a sawi bawk.
Chawhnu lam hun chu dar 1-ah tan a ni a, Pi Lalrampari w/o Rev. C. Zorammawia, Senior Executive Secretary-in a kaihruai a. Pi Chhiarkungi w/o Rev. C. Lianzuala, Kanan-in hunserh a hmang leh a, Games chi hrang hrang hmangin intihhlimna an nei a, Serchhip Town Pastor Nupuite atangin Special item ngaihthlak a ni a, thuzir sawihona neih a ni bawk. Tlaiah zanriah an kilho nghal a ni.
Presbyterian Kohhran Pastor Nupuite hian kumtin intawhkhawmna hun an hmang thin a, mi thiamte ruaiin thuchah ngaihthlak bakah thupui thlan bik paper te an zirho thin a, an pasalte rawngbawlna an tawiawm theih dan tur leh Kohhran tana Nu nih tling an nih theihna tura theih tawpa hma la tura infuihna hun atan te hman a ni bawk thin.