Oct. 27 & 28, 2022 hian Synfo leh Central KTP tangkawpin an buatsaih Praise On 2022 Mal zai intihsiak Top 20 chu Chaltlang Kohhran Hall-ah neih a ni dawn.
Top 20 te hian Sound track hmangin an hla duh zawng 1 hmangin intihsiakna an nei ang a, Oct. 28 (Zirtawpni) zanah result puan nghal a ni ang. Top 20 atangin top 10 thlan chhuah leh an ni ang a, top 10 te hian Nov. 8 leh 17, 2022 zanah te intihsiakna an nei leh ang a, ni 8 zanah Kristian Hlabu ami an duh ber an sa ang a, ni 17 zanah anmahni hla duh zawng hmangin intihsiakna neih leh a ni ang a, ni 18 zanah result puan a ni ang. Top 10 atangin pakhatna, pahnihna leh pathumna thlanchhuah a ni tawh dawn a ni. Top 10 intihsiakna leh result puan hi Mission Vengthlang Kohhranin an thleng dawn a ni.
Kumin Praise On 2022 mal zai intihsiakah hian lawmman atan pakhatna Rs. 1,00,000; Pahnihna Rs. 50,000; Pathumna Rs. 30,000 leh Consolation Prize (Top Ten tling chin) Rs. 7,000 theuh hlan an ni ang.