Nizan leh zanin (Oct. 27 & 28, 2022) khan Synfo & Central KTP buatsaih Praise On Malzai Intihsiak 2022 Top 20 Intihsiakna chu Chaltlang Kohhran Hall-ah tluang taka neih a ni.
Top 20-te hian Sound track hmangin an hla duh zawng pakhat an sa a, intihsiakna neih zawh hian result puan nghal a ni. Top 10-a tlingte chu:
1. Isaac Lalthazuala, Chanmari West Hmar Veng
2. Jessica Lalhmangaihtluangi, Lunglei, Lunglawn
3. Malsawmdawngzuali, Tlangnuam West
4. R. Remsangpuia, Chanmari West
5. R. Lalmuanpuia, Rengdil
6. Vesper Lalrinawma, Saitual
7. R. Lalnuntluangi, Laipuitlang
8. Lalhriatkimi, Diakkawn, Kolasib
9. Lalramnunmawii, Durtlang
10. Gloria Laldinsangi, Dawrpui Vengthar
Top 10-te hian Nov. 8 leh 17, 2022 zanah te intihsiakna an nei leh ang a, November 8, 2022 zanah Kristian Hlabu ami an duh ber an sa ang a, November 17, 2022 zanah anmahni hla duh zawng hmangin intihsiakna neih leh a ni ang a, November 18, 2022 zanah result puan a ni ang. Top 10 atangin pakhatna, pahnihna leh pathumna thlanchhuah a ni tawh dawn a ni. Top 10 intihsiakna leh result puan hi Mission Vengthlang Kohhranin an thleng dawn a ni.
Kumin Praise On 2022 mal zai intihsiakah hian lawmman atan pakhatna Rs. 1,00,000; Pahnihna Rs. 50,000; Pathumna Rs. 30,000 leh Consolation Prize (Top Ten tling chin) Rs. 7,000 theuh hlan an ni ang.