Synod Inkhawmpui 2022 atana Synod Department hrang hrangte inruahman lawkna Committee chu Oct. 17 (Thawhtanni) atang khan neih chho zel a ni.
Oct. 31 (Thawhtanni) khan Trust Committee an thu a, Nov. 1 (Thawhlehni) khan Social Front Committee an thu a, Secretary-in report a pe a, International Day Against Abuse & Illicit Trafficking programme-ah Synod aiawha tel thu te, Naksha Mukt Abhiyaan District committee-ah Synod aiawha tel thu te, Cement Mistiri Training neih anih thu te leh rawngbawlna hrang hranga fehchhuah thu te tarlan a ni. Tun tumah hian thurel tura chhawpchhuah 17 a awm.
Nov. 2 (Nilaini) khan Worship Committee an thu a, Secretary-in report a pe a, Hripui avanga music class chawlh anih hnuah Music class tan anih leh tawh thu te, Kristian Hlabu leh Naupang hla ennawn chungchang te, Aizawl hmar lama Music School hawn thu te, Bachelor of Music zir sponsor thu te, zaipawl hruaitu training chungchang te, Kohhran leh Bial hrang hranga rawngbawla chetchhuahna hrang hrang te tarlan a ni. Tun tumah hian thurel tura chhawpchhuah 10 a awm.
November 8 - 10, 2022 chhung hian Synod Executive Committee an thu ang.
Synod Inkhawmpui atana inruahman lawkna committee peng hrang hrangte hi Synod Moderator-in kaihruaiin Secretary report-te ngaihthlak a ni a, department budget 2023 - 2024 ruahmanna sawiho thin a ni bawk.