Mizoram Presbyterian Kohhran hnuaia Committee sang ber, Synod Executive Committee vawi 298-na, ni thum awh tur chu vawiin (Nov. 8, 2022) atang hian Synod Office a J.M. Lloyd Hall-ah an thu tan a. Aizawl khawpui chhung atangin member 44 leh Aizawl khawpui pawn atangin member 89, an vaiin member 133 an kal thei a ni.
SEC meeting hi Synod Moderator Rev. Dr. Vanlalnghaka Ralte in a kaihruai a, Board leh Committee member inthlak ngaite tihfel a ni a, Upa, Inneihtir theihna kawltu thlak/ruat an ni bawk. Synod Secretary leh Synod Finance Officer Report ngaihthlak a ni.
Tun tum SEC-ah hian thurel tur 126 lai a awm a, chung zinga langsar zual deuh te chu - Mixed Marriage Dan enfiah chungchang te, Synod Prison Ministry tun aia chak zawka kalpui changchang te, Kristian nun kaihhruaina inzirtir thar rawtna te, SBI-ATM Counter Synod Office-a hawn chungchang te, Minister/Pastor thawk lai thi nupui fanau chhawmdawlna chungchang te, Synod Relief rate ennawn rawtna te, Synod thlengtu puihna rate ennawn rawtna te, Contract hlawh Category ennawn rawtna te, Pastor Pension-te Politics-a an inhman dan tur kaihhruaina te, Josepha Buhzem kalpui dan tur te, KTP General Conference Diamond Jubilee lawm dilna te, Kohhran Inpumkhatna chungchang hmalakna te, PCI General Assembly vawi 45-na thlengtu tur ruat chungchang te, Manipuri Presbyterian Church enkawl zui dawn tur te, India Act East Policy zirchianna leh rawtna te, Kohhran Inkhawm leh Inkhawm dangte tihtlem dan ngaihtuah chungchang te, Mizoram Christian College Master Plan chungchang te, Kristian Chhungkaw Short Film intihsiakna buatsaih dilna te, Masihi Sangati din tan hun tihchian rawtna te, Chakma tawnga Holy Bible siam chungchang te, Synod Press Building sak chungchang te, Synod Hospital kum 100-na (Centenary) puala Project ruahmanna te, Sikulpui-a ‘A’ pawl leh ‘B’ pawl hawn belh dilna te, Synod hnuaia Department ten Hruaina Eng Channel hman tangkai chungchang te, kum 2023 MLA inthlanpui atan Pastor Bial hrang hrangah Revival Speaker-te tirh chhuah rawtna te, Employees State Insurance Corporation (ESIC) zawm chungchang te leh Pathian Biak Inkhawm Hruaina Bu enthat rawtna te an ni.
SEC 298 hi November 10, 2022 (Ningani) a zawh tura ruahman a ni.
For more Pics Click Here