Vawiin (Nov. 23, 2022) chawhma dar 10 khan Synod Executive Committee vawi 299-na chu Synod Office-a JM Lloyd Hall-ah an thu. Meeting hi Synod Moderator Rev. Dr. Vanlalnghaka Ralte-in a kaihruai a, Synod Secretary Rev. Z.D. Lalhmachhuana’n report a pe.
He meeting-ah hian thu ngaihtuah tur agenda 9 chhawpchhuah a ni a, thurel tur zingah Synod Office Superintendent ruat chungchang te, Coordinator awmna (Department) siamrem chungchang te, Doctor, Super Specialist hlawh fukna/thutna leh Recruitment Rules Schedules-a telh rawtna te, Family Guidance & Counselling Centre (FG&CC) Kaihhruaina enthat thu te leh Kohhran Inpumkhatna chungchang ruahmanna te chu a langsar zualte an ni.
Vawiin SEC meeting-ah hian Aizawl chhung atangin 46 leh Aizawl pawn atangin 81, an vaiin member 127 an kal a. Naktukah hian SEC Vawi 300-na an thu chhunzawm leh ang a, Kum 2023-2024 Budget Estimate an thlirho ang a, kum 2022-2023 Additional Budget dilna ngaihtuah a ni bawk ang.