Vawiin (Nov. 25, 2022) hi Kohhran Hmeichhe Ni vawi 26-na a ni a, Presbyterian Kohhran Hmeichhiate chuan hemi pual hian Bial leh Kohhranah tha an tih angin programme an hmang ang. Kumin Kohhran Hmeichhe Ni-ah hian thupui inang tlang Pi Zoramthangi Chhangte, New Capital Complex ziah "Nute leh Fanau Enkawl" tih chu an zir a ni.
Kohhran Hmeichhe Ni hi Kohhran Hmeichhe Inkhawmpui Lian-in Kohhran Hmeichhe Ni bik neih a rel a, Synod Executive Committee (SEC)-in November Zirtawpni hnuhnung ber hi Kohhran Hmeichhe Ni atan hman ni se tia a relsak angin kum 1997 atang khan hman tan niin Synod Calendar-ah pawh Synod Ni pawimawh zingah dah tel a ni.
Kohhran Hmeichhe Ni hmanpui turin Central Kohhran Hmeichhe Hruaitute hetiang hian an kal.
Buhkângkawn Kohhran - Pi Sailuti, Chairman
Kaisanary Kohhran - Dr. Lalthansangi Fanai, Asst. Secretary; Pi H. Lalrintluangi, Committee member; Pi Lalramzauvi, Committee member leh Pi Siampuii Pautu, Committee member