Nimin (Nov. 29, 2022) khan Presbyterian Pastor Pension Fellowship (PPPF) chuan Intawhkhawm vawi 51-na chu Aizawl Theological College Intercultural Centre (ICC) Hall-ah an hmang a, thupui “Kohhran Hlutna leh pawimawhna” tih chu zirho a ni.
Intawhkhawm programme hi hun hniha hman a ni a, hun khatna hi chawhma dar 11-ah tan a ni a, Rev. Dr. Zaihmingthanga, PPPF Chairman-in a kaihruai a, Rev. Lalhmingmawia, Durtlang Leitan-in hunserh a hmang a, thupui “Kohhran Hlutna leh pawimawhna” Rev. B. Sangthanga ziah chu zirho niin sawihona neih zui nghal a ni a, he hunah hian zaithiam Nl. Lalrinmawii (Arini) tum hnih a zai bawk.
Hun hnihna hi chawhnu dar 1:30 ah neih leh a ni a, Rev. C. Rosiama, PPPF Vice Chairman-in a kaihruai a, chawhnu hunah hian Sharing leh Intihhlimna hun an hmang a, hun tawpah Rev. C. Chawngliana, Finance Secretary, PPPF-in lawmthu a sawi a ni.
Intawhkhawm vawi 51-naah hian mi 105 (Mipa 63 leh Hmeichhia 42) an kal a, Pastor thi tawh nupui 6 an kal bawk.