Vawiin (Dec. 16, 2022) chawhnu dar 1 khan J.M. Lloyd Hall, Synod Office-ah Synod Office-a thawktu pension-a chhuak tur leh hmun danga insawn turte thlahna hman a ni.
Thlahna Programme hi Rev. C. Zorammawia, Staff Welfare Chairman-in a kaihhruai a, Pu Zohmingliana Colney-in thlah turte chanchin tawi a sawi a, ngaihhruina thilpek leh certificate hlan an ni. Thlahte hnen atangin thusawi tawi ngaihthlak a ni a, Rev. R.C Lalnghakliana'n tawngtaisakna hun a hmang. Tun tumah hian Synod Office-a thawk, pension-a chhuak tur 5 leh hmun danga insawn tur 4 an awm a, chungte chu :
Pension-a chhuak turte :
1. Rev. Dr. Vanlalnghaka Ralte
2. Dr. Robert S. Halliday
3. Pu R. Lalnuntluanga
4. Pi Vanlaldiki
5. Pi Zothansiami
Hmun danga insawn tur :
1. Rev. R. Ramnghinglova
2. Rev. C. Lalremruata
3. Upa K. Lalremruata
4. Upa P.C. Vanlalhruaia
Synod Office hi December 22, 2022 (Ningani) atangin khar tan a ni ang a, January 5, 2023-ah hawn tan leh a ni ang.