Vawiin (Jan. 7, 2023) chawhma dar 11:00 khan Synod Moderator Rev. Dr. C. Chawnghmingliana chuan Khawhai North Presbyterian Kohhran Biak In thar a hawng.
Biak in thar hawn inkhawm hi Rev. Lalzidinga, bialtu Pastor-in a kaihruai a, Technical report Upa Suakhnuna Kawlni-in a pe a, Khawhai North Kohhran Zaipawlpui leh Bial Zaipawl te an zai. Synod Moderator Rev. Dr. C. Chawnghmingliana’n Pathian thuchah a sawi. Chawhnu lamah Kohhranhoten Biak In thar hawnna ruai hlim takin an theh a. Zan Pathian Biak inkhawmah Upa B. Lalhmunliana, Synod Secretary chuan thu a sawi bawk.
Khawhai North Kohhran hi kum 1984-ah a ding tan a, Kohhran member 873 an awm mek a. Tuna an Biak in thar hawn tak hi an Biak In pathumna a ni a, April 18, 2017-a sak tan a ni. A dung ft. 100, a vang ft. 45, a liang san zawng ft. 22 a ni a. Biak in sakna atana senso chu Rs. 2,25,16,371/- a ni.
For more Pics Click Here