Nimin (Feb. 1, 2023) khan Synod Ramthar Board meeting vawi 178-na chu J.M. Lloyd Hall-ah an thu a, Aizawl khawpui chhung atangin member 33 leh Aizawl khawpui pawn atangin member 46, an vaiin member 79 an kal.
Meeting hi Synod Moderator Rev. Dr. C. Chawnghmingliana’n a kaihruai a, Board Secretary Rev. R. Lalhmingsanga’n report a pe a, report-ah hian thawktu siam rem chungchang te, Masihi Sangati hnuaia Evangelist tur mi 10 lak a nih thu te, Presbyterian Hindi Bible School Batch 70-naa zir tur lak a nih thu te, nikum 2022 chhunga field hrang hranga ringthar 15,576 neih a nih thu te, Rev. Lalsawichhunga, kum 68, Kawl Christian Fellowship-a rawngbawltuin January ni 24, 2023 a Stroke avanga chatuan ram a pan thu te, Missionary Pi C. Lalhmangaihzuali, kum 54 miin chatuan ram a pan thu te leh Missionary Retreat neih a nih thu te tarlan a ni.
Tun tumah hian thu ngaihtuah tur pakua chhawp chhuah a ni.