Vawiin (Feb. 2, 2023) chawhma dar 10 khan Synod Hospital Board meeting vawi 143-na chu J.M. Lloyd Hall, Synod Office-ah an thu a, Aizawl khawpui chhung atangin member 23 leh Aizawl khawpui pawn atangin member 23, an vaiin member 46 an kal.
Meeting hi Synod Moderator Rev. Dr. C. Chawnghmingliana’n a kaihruai a, hming lamna te neih a nih hnuah Board Secretary Dr. Lalthakima’n report a pe a, report-ah chuan January 2023 atanga pension-a chhuak mi 6 awm thu te, Asst. Nursing Superintendent thar neih a nih thu te, Hospital Computerisation kalpui tan a nih thu te, Audiology & Speech room hawn a nih thu te, Dr. Fraser’s clinic chei that remtih thu te leh January 2023 chhunga thilpek hrang hrang dawn te tarlan a ni.
Tun tumah hian thu ngaihtuah tur 12 chhawp chhuah a ni.