February 10-12, 2023 chhung hian Bial hrang hrangah Bial Kohhran Hmeichhe Inkhawmpui neih a ni ang.
February 10, 2023 (Zirtawpni) zan hi Palai lawmna leh report inkhawm a ni ang a, February 11, 2023 (Inrinni) nilengin rorel a ni ang a, zanah vantlang Pathian Biak inkhawm a awm ang. February 12, 2023 (Pathianni) chawhma, chawhnu leh zanah Inkhawmpui hi neih chhunzawm a ni ang.
Inkhawmpui hman dan tur hi Bial Hmeichhe Committee-in ngaihtuahin a remchan dan anga hman thin a ni a, chuvang chuan bial hrang hranga inkhawmpui hman dan pawh a inang vek lo va, Bial thenkhatah thupui thlan bik neiin speaker-ten an sawi thin a, bial thenkhatah chuan bial hruaituten an insawi chhawk chang pawh a awm thin. Kristian Chhungkua leh Buhfaithama inelna lawmman hrang hrang sem thin a ni bawk.
Bial inkhawmpui hmanpuiin Kohhran Hmeichhia Central Committee member-te hmun hrang hrangah hetiang hian an kal :
| Bial | Kal turte |
| Darlawn Bial | 1. Pi Vanlalhruaii, Vice Chairman |
| 2. Pi. H. Lalrintluangi, Committee member | |
| 3. Pi R. Lalrempuii, Committee member | |
| 4. Pi C. Thanpari, Committee member | |
| Manikbond Bial | 1. Pi H. Lalfakmawii, General Secretary |
| 2. Pi R. Lalroliani, Committee member | |
| 3. Pi Zochungnungi, Committee member | |
| 4. Pi A. Nazi, Committee member | |
| Cherhlun Bial | 1. Pi Lalrinliani, Treasurer |
| 2. Pi Zothanpari, Committee member | |
| 3. Pi Lalchhingpuii, Committee member | |
| 4. Pi Lalramzauvi, Committee member |
Synod Inkhawmpui 2022 report-a a lan danin tun dinhmunah Kohhran hmeichhe member 1,88,060 an awm a, member tam berna bial chu Champhai Vengthlang Bial niin member 2,869 an awm a, member tlem berna bial chu Buarpui bial niin member 40 an awm a ni.