Vawiin (Feb. 16, 2023) hi KTP day a ni a, Branch tam takin a lawmna hun an hmang.
Central KTP Committee chuan hun eng emaw chen atang khan KTP Day hman dan tur ruahmanna hrang hrang hetiang hian a siam a - Biak In hung chhung hmun remchang laia KTP Flag tar, Biak In leh a vel tihfai, veng chhung tihfai, mi harsa leh damlote tanpui, thisen pek leh a remchan anga KTP thil tum leh thupui zir ho tih te an ni a, heng bakah hian branch-in mahni remchan dan angin an hmang thin bawk.
Provisional Committee-in Synod Standing Committee-ah KTP din an dil a, Synod Standing Committee chuan kum 1954 February 16 khan a pawm a, Synod Standing Committee-in KTP a pawm ni hi KTP din hunah pawm a ni ta a, KTP a din atanga an Committee hmasak ber hun hi February 22, 1954 a ni.
Synod Inkhawmpui 2022 report-a a lan danin tun dinhmunah KTP branch 891 awmin member zawng zawng 1,57,830 (mipa 97,542 leh hmeichhia 60,288) an awm a ni.