Vawiin (Feb. 16, 2023) chawhma dar 10 khan Synod Finance Committee, vawi 144-na chu Synod Office-a J.M Lloyd Hall-ah an thu a, member 40 an kal.
Meeting hi Synod Moderator, Rev. Dr. C. Chawnghmingliana'n a kaihruai a, Rev. V.L. Luaia Hranleh, Finance Officer-in report a pe. Report-ah chuan Synod Finance Committee vawi 143-na rorel bawhzui ngaite bawhzui fel a nih thu te, Kohhran leh Bial Treasurer Synod sum ziahna bu Financial Year thar atanga hman theih tura buatsaih a nih thu te, Synod Inkhawmpui 2022-in Synod hnuaia Department-te leh Field hrang hrang Auditor tur a ruat thu te, Bial leh Kohhran hrang hrangah Accounts Training neih a nih thu te leh April 2022-January 2023 chhunga sum dinhmun te tarlan a ni.