March 3, 2023 (Zirtawpni) zanah Palai lawm leh report inkhawm a ni ang a, inkhawm hi Central KTP Asst. Leader Pu L.V. Lalthantluangan a kaihruai ang a, Upa B. Lalhmunliana, Synod Secretary-in Kumpuan hawn leh hlanna hun a hmang ang a, General Secretary report, Finance report leh Bial report khaikhawmna ngaihthlak a ni ang. March 4, 2023 (Inrinni) nilengin Rorel a ni ang a, zan inkhawmah Upa Rochungnunga, General Secretary kal chhuakin Pathian thuchah a sawi ang.
March 5, 2023 (Pathianni) chawhma Inkhawmah Synod Moderator Rev. Dr. C. Chawnghminglianan Pathian thuchah a sawi ang a. Chawhnu Inkhawmah Rev. Dr. K. Lallawmzuala, Executive Secretary-in Pathian thuchah a sawi ang. Zan Inkhawm hi Finance Secretary Upa F. Zoherlianan a kaihruai ang a, Central KTP Leader Rev. Dr. F. Pachhungan Pathian thuchah a sawi ang. Inkhawm banah fellowship programme a awm leh ang.
Synod Inkhawmpui 2022 report-a a lan danin tun dinhmunah KTP branch 891 awmin member zawng zawng 1,57,830 (mipa 97,542 leh hmeichhia 60,288) an awm.
KTP Rorel Inkhawm 2023 Programme Click Here