Vawiin (March 7, 2023) khan Synod Partnership Committee leh Mizoram chhunga rawngbawlna lama a thawhpui pawl hrang hrangte chu Synod Office Devotion Hall-ah an inhmukhawm a, mi 71 an kal.
Synod Moderator Rev. Dr. C. Chawnghmingliana’n programme hi kaihruaiin hunserh leh inhmelhriattirna a nei a, Rev. C. Zorammawia, Senior Executive Secretary-in thu a sawi a, Synod Partnership Committee member leh Partner member kal te atangin thusawi ngaihthlak a ni bawk.
Tun tumah hian Mizoram Synod-in Para-Church a thawhpuite leh pawl dang rawngbawlna kalpuite hnenah tanpuina hlan nghal a ni a, Synod recognised Pawl hrang hrang 14 hnenah Rs. 4,70,000/- (Cheng Nuai li leh sing sarih) leh Synod recognised ni lo pawl dang 13 hnenah Rs. 11,40,000/- (Cheng Nuai sawmpakhat leh singli) hlan a ni.