Vawiin (March 17, 2023) chawhnu dar hnih khan Synod Bookroom Vaivakawn Branch building thar chu Rev. V.L. Luaia Hranleh, Executive Secretary i/c PRESCOM, Mizoram Synod chuan Pathian hnena hlanin building tharah insuan luh fel a ni ta.
Synod Bookroom Vaivakawn Branch hmun thar, Vaivakawn Kohhran Golden Jubilee building ami hi Vaivakawn kawngpui pengthuam lai taka awm niin kawngpui ân-ah hawn a ni a. A dung a sei lai berah feet 40 a sei niin a vang lam hi a zau lai berah feet 20 a zau a ni a, dawr hi chhawng thum anga sak a ni. Hei bakah hian stockroom feet 12 bial a zau a nei bawk.
He Synod Bookroom Vaivakawn Branch hmun thar tur hi January 2023 thla tir atang khan buatsaih hna thawh tan a ni a. Ngawrh taka buatsaih a nih hnuin thla hnih leh a chanve chhung thawh a nih hnuah hawn theiha peih fel a lo ni ta a ni.
Vaivakawn Bookroom Branch hmun thar hawnna inkhawm hi Upa H. Ronghaka, General Manager, PRESCOM Department chuan kaihruaiin Pu Lalniliana, Manager, Synod Bookroom leh Upa Samuel Laltlanlua, Vaivakawn Kohhran Secretary hnen atanga inhmelhriattirna neih a nih hnuah Rev. V.L. Luaia Hranleh, Executive Secretary i/c PRESCOM, Mizoram Synod chuan Synod Bookroom Vaivakawn Branch hmun thar chu Pathian hnena hlanna hun a hmang zui ta a ni.
Synod Bookroom Vaivakawn Branch hian tun Financial Year kal mekah hian Rs. 65,00,000/-target-a neiin vawiin thleng hian Rs. 87,00,967/- lai a thawk chhuak tawh a, kumin atana budget tha takin a khum tawh a ni.