March 24-26, 2023 chhung khan Lunglei Chanmari Kohhran Biak Inah Home Mission South Missionary Intuaitharna neih a ni a, thupuiah ‘Thlarau thara rawngbawl’ (Rom 7:6) an hmang a, Rev. R. Lalhmingsanga, Mission Board Secretary chu Speaker a ni.
March 24, 2023 (Zirtawpni) zanah Rev. H. Lallianzara, Administrative Secretary hnen atangin Pathian thuchah ngaihthlak a ni a. March 25, 2023 (Inrinni) chawhma lamah ‘Home Mission South-a Mission hmasawnna tur’ tih thupui, Pastor C. Rosangzuala, Damdep buatsaih zirho a ni a, chawhnu lamah Group 3 – School staff, Evangelist leh Medical-ah inthenin sawihona hun tha tak hman a ni. Zan inkhawmah speaker Rev. R. Lalhmingsanga’n Pathian thuchah a sawi a, inkhawm banah thu leh hlaa inpawlkhawmna hun neih a ni.
March 26, 2023 (Pathianni) chawhma leh chawhnu inkhawmah speaker Rev. R. Lalhmingsanga hnen atangin Pathian thuchah leh a ni a, zan inkhawmah Rev. H. Lallianzara, Administrative Secretary-in Pathian thuchah a sawi a, inkhawm banah thu leh hla hmanga inpawlhona neih leh a ni bawk.