Nimin (March 28, 2023) khan BCM Meeting Hall, BCM Office, Lungleiah Council of Churches in Mizoram ruangam tur duangtu Drafting Committee an thu khawm a, Lungrual takin Church Council ruangam (structure) an duang fel. An ruahmanna hi May 19, 2023-ah Kohhran hrang hrang aiawh Joint Meeting-in a la thlir leh ang a, Salvation Army Headquarters, Aizawlah meeting hi neih a ni ang. Ruahmanna hi Joint Committee-in a pawm fel hunah mahni kohhran theuh rorelna sang berah an thlen leh theuh dawn a ni.
January 24, 2023 khan Kohhran pawl hrang hrang aiawha hruaitu kal khawmten ‘Council of Churches in Mizoram’ din hi an lo rel tawh a. Drafting Committee dinin hma lak chhoh mek zel a ni ta a. Council of Churches in Mizoram din tura inthurualte hi kohhran panga - Presbyterian Kohhran, Baptist Kohhran, ECM, LIKBK leh Salvation Army te an ni.
Drafting Committee-ah hian Synod aiawhin Rev. Dr. K. Lallawmzuala, Exe. Secy leh Rev. Dr. Lalhmangaiha te an tel.