April 7, 2023 (Zirtawpni) hi Good Friday a ni a, April 9, 2023 (Pathianni) hi Easter Sunday a ni bawk a. April 6, 2023 (Maundy Thursday) atangin Good Friday Programme hi hman tan a ni ang a, Maundy Thursday zanah Synod Puipate Sakramen thehin hetiang hian an kal chhuak ang.
Rev. Dr. C. Chawnghmingliana, Moderator - Electric Veng Kohhran
Rev. C. Zorammawia, Senior Executive Secretary - Bethlehem Kohhran
Rev. V.L. Luaia Hranleh, Executive Secretary - Zemabawk Kohhran
Rev. Dr. K. Lallawmzuala, Executive Secretary - Bawngkawn Chhimveng Kohhran
Rev. P.B. Mankima, Synod Secretary (Jr.) - Chhinga Veng Kohhran
Rev. P.C. Pachhunga, Finance Officer - Tuikhuahtlang Kohhran
Presbyterian Kohhran chuan Good Friday leh Easter Sunday thupui inang tlang an zir ho ang.
April 6, 2023 (Maundy Thursday)
Thupui : Hetah hian awm ula, min venpui rawh u
Chhiar tur : Mt. 26 : 36-38
April 7, 2023 (Zirtawpni) Good Friday
Chawhma Inkhawm
Thupui : Isua bukin a awm
Chhiar tur : Mt. 27:15-18, 22
Chawhnu Inkhawm
Thupui : A thlarau a thlah ta
Chhiar tur : Marka 15:37-39
Zan Inkhawm
Thupui : Thlanah Isua an zalh ta
Chhiar tur : Johana 19:38-42
April 9, 2023 (Pathianni) Easter Sunday
Chawhma Inkhawm
Thupui : A sawi ang ngeiin a thawh leh tawh kha
Chhiar tur : Mt. 28:1-7, Luka 18:31-33
Chawhnu Inkhawm
Thupui : Isua thawhleh angin kan tho leh ang
Chhiar tur : I Korinth 15:20-23, Philippi 3:21
Zan Inkhawm
Thupui : Thawh lehna nun tawmpuitute nun dan tur
Chhiar tur : Rom 6:13; Eph. 4:25; Kol. 3:5-8, 12-17
Good Friday leh Easter Sunday hi Krismas te anga a Ni ngai hman a ni lo va, a chhan chu Lal Isua thih hun lai hi Judate Kalhlen Kut hman lai vel Nisan ni 14 vel a ni a, chu chu March thla chawhnu lam, March ni 20 hnu, April ni 25 hma lam si, thla bial lai a ni a. Chuvangin tun thleng hian Good Friday hun hi March ni 20 leh April ni 25 inkara thla bial lai, Zirtawpni hi a ni ta zel a ni. Easter Sunday atanga chhuta ni 50-na chu Pentikos ni a ni. Thla bial lai chhuta a hun leh ni ruat thin a nih avangin heng ni pawimawh te hi a hun leh ni a danglam deuh hret hret thin a ni.