Nimin (April 25, 2023) khan Missionary Training College (MTC) chuan B.Miss. zir zo mi 16 te thlahna hun (Graduation Day) vawi 11-na, Golden Jubilee Hall, Mission Vengthlang Kohhranah an hmang. 

Programme hi chawhnu dar 2:00-ah tanin Rev. Dr. C. Lalramchhana, Principal MTC in a kaihruai a, Synod Moderator Rev. Dr. C. Chawnghmingliana’n Graduation Day thuchah a sawi a, College Magazine thar a tlangzarh bawk. Rev. C. Zorammawia, Senior Executive Secretary-in zirchhuakte hnenah Certificate a hlan a, Synod Mission Board Secretary Rev. R. Lalhmingsanga'n Graduate tharte Pathian hnena hlanna hun a hman hnuin Mizoram Synod Secretary Upa B. Lalhmunliana’n tawngtaisakna hun a hmang a. Rev. V.L. Luaia Hranleh, Executive Secretary-in zirlai titha te hnenah lawmman a hlan a ni.

Tun tumah hian zirlai titha lawmman (College Awards 2023) hetiang hian hlan an ni :
1) R. Dala Award for Biblical Studies - Lalrinfeli 
2) Rohmingthangi Award for Theological Studies - Ruthi Ngaibiakhawihi
3) Tirhkoh Chhingtei Award for Mission & Historical Studies - Lalngaihsaki
4) M. Suaka Award for Religious and Cultural Studies - Lalrinfeli
5) Tirhkoh Thangzawna Award for Christian Ministry - Esther Laldingngheti & S. Vanlallianmawii
6) Rev. Dr. Lalsawma Award for Language Studies- Esther Laldingngheti
7) Lalbiakchhungi Award for Academic Excellence - Lalngaihsaki & Lalrinfeli 
8) Robuanga Award for Best Outgoing Student - K. Lalbiaksanga

Missionary Training College hi kum 1978 khan Missionary Training Department tiin Aizawl Theological College-ah bul tan a ni a. Missionary Training Centre tia hun eng emaw che a hranga a awm hnuin kum 2007 Synod chuan College-a hlan kai a remti a, Synod thurel angin June 4, 2010 khan Missionary Training College (MTC) chu a lo piang ta a, Senate of Serampore College hnuaiah chuan B.Miss zirna hmasa ber a ni. MTC-ah hian B. Miss zirna bakah missionary training chi hrang hrang neihpui thin a ni bawk.

For more Pics Click Here