Nimin (April 26, 2023) khan Presbyterian Bible School (PBS) chuan Batch 54-na pualin Farewell and Dedication Programme, Pi Zaii Hall, Synod Conference Centre-ah an hmang.
Programme hi Rev. Lalrinsanga, Principal-in a kaihruai a, Synod Moderator Rev. Dr. C. Chawnghminglianan zir chhuakte hnenah Certificate hlanin thuchah a sawi a, zirlai exam-a ti tha te leh class kal kimte hnenah Rev. P.B. Mankima, Synod Secretary (Jr)-in lawmman a hlan a, Pu C. Awithanga Award chu Upa B. Lalhmunliana, Synod Secretary-in a hlan bawk.
PBS-ah hian a din tirh atangin tun thleng hian zirlai 2591 an awm tawh a, chung zinga 2195 ten tha takin an pass tawh a. Tuna batch 54-naah hian zirlai 29 awmin zirlai 26 ten tha takin an pass a, exam lo 2 an awm.
Exam-a ti tha zual pathumte hnenah lawmman Rs.1000/-, Rs.700/-, Rs.500/- leh lawmpuina thuziak PBS Committee hminga hlan a ni a, chungte chu:-
1-na - Cordilia Vanlalhmangaihi, d/o H. Vanlalringa, Mission Vengthlang Kohhran
2-na - C. Lalhruaitluanga, s/o C. Lalpianglawma, Hnahthial Kohhran
3-na - D. Lalsangpuia, s/o H. Lalthlanthanga, Khawzawl Vengthar Kohhran
Batch 54-na zirlai zingah hian class kal kim mi 4 an awm a, lawmman Rs. 500/- theuh hlan an ni.
Kum 2014 atangin Christian Theology Subject leh Kohhran Inrelbawlna leh PCI Constitution Subject-a ti tha berte hnenah Pu C. Awithanga Award hlan thin a ni a. Kumin hian Christian Theology-ah C. Lalhruaitluanga (86%) leh Kohhran Inrelbawlna leh PCI Constitution-ah C. Zomuanpuia (96%) ten he Award hi an dawng a ni. Award hian Rs.1,000/- a keng tel a ni.