Vawiin (May 17, 2023) khan P.C. Girls' School-ah Synod Lay Workers' Fellowship member-ten Synod Hospital-a hman turin thisen an pe.
Synod Lay worker-te hian an kum 50-na (Golden Jubilee) denchhenin thisen hi an pe a, Synod Office-a thawktute, P.C. Girls' School-a thawktute, PRESCOM-a thawktute leh Sikulpuia thawktu mi 36 ten thisen hi an pe a ni.
Kar hmasa lam khan Synod Higher Secondary School leh Mizoram Christian College leh Synod Multipurpose Training Centre-a thawktuten thisen hi an lo pe tawh bawk a. Kar leh Nilaini hian Synod Hospital-a thawktute, Hmangaihna Ina thawktute, ATC-a thawktute, Rescue Home-a thawktute leh Masihi Sangati Kendra-a thawktuten thisen hi an pe ve leh ang.