Vawiin (May 26, 2023) khan Synod Lay Workers’ Fellowship Annual General Meeting (Lay Day) chu Pi Zaii Hall, Synod Conference Centre, Mission Vengah neih a ni a, kumin Lay Day hi Synod Office leh Sikulpui thawktuten an thleng a ni.
Lay Day programme hi hun hniha then a ni a, chawhma lamah Hun Urhsun hman a ni a, Upa H. Ronghaka, Chairman, SLWF-in a kaihruai a, Secretary leh Treasurer report ngaihthlak a ni. Synod Moderator Rev. Dr. C. Chawnghmingliana'n Lay Day Address a sawi a, Upa B. Lalhmunliana, Synod Secretary-in Souvenir a tlangzarh a, member pension-a chhuak mi 21 hnenah ngaihhruina thilpek hlan an ni.
Chawhnu lamah Hun Hlimawm hman a ni a, Upa H. Lalnundanga, Synod Hospital-in a kaihruai a, variety programme hmangin hun hlimawm tak hman a ni. Tlaiah zanriah kil ho nghal a ni.
Synod Lay Workers’ Fellowship (SLWF) hi Synod hnuaia thawktu Aizawl-a awm, Pastor ni lo zawng te intelkhawmna a ni a, kum tin May thla Zirtawpni hnuhnung berah Lay Day an hmang thin a ni. Kumin (2023) hi Synod Lay Workers’ Fellowship (SLWF)-in kum 50 a tlinna champha leh Lay Day an hman vawi 47-na a ni.
SLWF member-te hian Lay Day pual hian Synod Hospital, Durtlang tan Thisen unit 71 (mipa 51 leh hmeichhia 20) an pe a, tun dinhmunah SLWF member 806 an awm mek a ni.