RAM PUM HUAPA THU INZIAHSIAK RESULT LEH LAWMMAN SEMNA NEI
June 20, 2023 | NEWS
June 16, 2023 (Zirtawpni) zan khan Kristian Naupang chanchinbu puala ‘Ram pum huapa thu inziahsiak’ result puanna leh lawmman semna, Synfo Studio-ah neih a ni a, Hruaina Eng TV channel leh Synod Information Youtube channel-ah te live-a tihchhuah a ni. He thu inziahsiak hi Synod Literature & Publication Board (SL&PB) hnuaia Kristian Naupang chanchinbu enkawltute buatsaih a ni.
Thu inziahsiak hi hlawm hniha then a ni a, hlawm khatna Beginner–Junior Department-ah mi 76-in an thuziak an theh lut a, hlawm hnihna Intermediate–Senior Department-ah mi 192-in an thuziak an theh lut bawk. Heng atang hian a ti tha zual pakhatna atanga pathumna hnenah pawisa leh thuziak hlan a ni a. Lawmman la pha lo, a ti tha zual a tê lamah mi panga leh a lian lamah mi 6 hnenah Consolation Prize Rs. 500/- leh thuziak hlan a ni bawk.
Lawmman hi a tê lamah pakhatna Rs. 5000/-, pahnihna Rs. 3000/- leh pathumna Rs. 2000/- a ni a, a lian lamah pakhatna Rs. 7000/-, pahnihna Rs. 5000/- leh pathumna Rs. 3000/- a ni.
Lawmman pakhatna atanga pathumna latute chu:
Beginner–Junior Department
Pakhatna - K. Zodinsangi, Primary Dept., Ruallung Kohhran
Pahnihna - Phillip H.K Lalropuia, Junior Dept., Aizawl Kohhran
Pathumna - Malsawmfeli, Junior Dept., Falkawn, Rawpuichhip
Intermediate–Senior Department
Pakhatna - K. Lalduhawma, Intermediate Department, Armed Veng North Kohhran
Pahnihna - H.T Lalrintlingi, Senior Department, Nursery Veng Kohhran leh
Vanthangpuia, Senior Department, Zemabawk North Kohhran
Pathumna - R.L Malsawmkimi, Senor Department, ITI Vengchhak Kohhran leh
Malsawmsangi, Senior Department, Vaivakawn Kohhran te an ni.
He intihsiakna hi naupang leh tleirawlten thuziak leh chhiar kawngah te, Mizo tawng ziah danah te hma an sawn phah beisei avanga buatsaih a ni.
