NU LEH PA NI & KRISTIAN CHHUNGKAW NI 2023
September 22, 2023 | NEWS
Kumin 2023 Beihrual programme kal zelah September 24, 2023 (Pathianni) hian “Nu leh Pa Ni” leh “Kristian Chhungkaw Ni” hman a ni dawn a, hemi atan hian chawhnu leh zan inkhawm programme duan lawk a ni.
Chawhnu inkhawmah "Nu leh Pa Ni" programme hman a ni ang a, 'Nu leh Pa thu zawm' tih thupui zir a ni ang. Zan inkhawmah "Kristian Chhungkaw Ni" proramme hman a ni leh ang a, 'Chhungkuaa Lalpa rawngbawl' tih thupui zir ho a ni leh ang.
Beihrual programme hi September 1 atangin hman tan a ni a. September 4 - 10 chhung khan 'Ramthar Hapta' hman a ni a, September 25 - 29 chhung hian 'Kristian Chhungkaw Hapta' hman a ni ang.
Beihrual hi kum 1918 June thla atanga hman tan a ni a, kum 1925 atangin September thlaah neih thin a ni a, kum 1947 atangin Nilai Zan Thupui Bu leh Beihrual Thupui hi bu khata siam tan a ni.
