Kum 2022 Synod-in a rel angin October 1, 2023 (Pathianni) zan inkhawmah hian Mizoram Presbyterian Kohhran hnuaia kohhran zawng zawngin MLA Inthlanpui lo awm tur puala tawngtai rual tur a ni a.
Tawngtai thupui chu hengte hi a ni -
1) MLA inthlanpuiah hian muanawm leh thianghlim taka kan inthlan ngei nan.
2) Inthlanna fel leh thianghlim a awm theih nana duty zawng zawngte tan.
3) Vote zawn nana - pawisa leh therhlo inpek, bank account-a pawisa indahsak, entir nan UPI, Gpay, etc hmanga pawisa inpek leh a man phu tawk ni lova thil hralh a awm loh nan, Campaigner-ten rilru thianghlim taka an campaign ngei theih nan.
4) Vote hralha ngaih theih - kut tling lova pawisa leh therhlo dawn a awm loh nan vote nei zawng zawngten thil thianghlim lo kan hnawl ngam nan.
5) Kohhran, khawtlang leh ram inpumkhatna tichhe thei zawnga campaign a awm loh nan.
6) Mi dik, Pathian tih mi, Kohhran bel tlat mi, ram leh hnam hmangaihtute ngei kan thlan chhuah theih nan.
7) MLA candidate zawng zawngte tan.
8) Thlan chhuahte chuan sawrkar tha an siam ngei theih nan.