Vawiin (Oct. 16, 2023) chawhma dar 10 khan Synod Pension & Provident Fund (PPF) Board Meeting vawi 234-na an thu.
Meeting hi Rev. Dr. C. Chawnghmingliana, Moderator-in a kaihruai a, PPF Board Secretary, Upa R. Lalramchhana'an report a pe a, Treasurer report ngaihthlak a ni bawk. Meeting-ah hian 2024-25 chhunga PPF Budget sawi ho a ni a, lehkha lut eng emaw zat ngaihtuah a ni bawk.
Report huam chhungah hian PPF zawmtu member, thawk lai mi pathum an thi a, pensioner mi pariat an thi a, family pension la hi mi pathum an thi bawk a ni. PPF hnuaia pension la mek hi mi 647 (Pensioner -504 + Family pension - 143) an ni a, PPF zawmtu zawng zawng hi mi 1,160 an ni. Kum 2015 atanga hman tan Synod New Pension zawmtu zawng zawng hi mi 1875 an ni thung.
PPF Board-ah hian Synod Moderator, Secretary leh Senior Executive Secretary-te bakah Synod pensioner atangin Pension dan thiam mi pathum an tel a, Synod-a thawk ni lo PPF Dan thiam mi pathum an tel bawk a, Department lian paruka thawktu aiawh pakhat theuh an tel a, Ruaitu Department lian paruk aiawh pakhat theuh an tel bawk a ni.