Vawiin (Oct. 27, 2023) chawhma dar 10:00 khan Synod Literature & Publication Board Meeting vawi 29-na chu J.M. Lloyd Hall-ah neih a ni.

Vawiin (Oct. 27, 2023) chawhma dar 10:00 khan Synod Literature & Publication Board Meeting vawi 29-na chu J.M. Lloyd Hall-ah neih a ni a. Meeting hi Moderator, Rev. Dr. C. Chawnghminglianan a kaihruai a, Board Secretary leh Editor, Rev. Lalbiaknian report a pe a ni.

Report-ah hian, Literature Campaign leh Seminar buatsaiha hmun lia chhuah a nih thu te, lehkhabu tihchhuah thar 22 a awm thu te, Synod House Style ennawn tura hmalak mek a nih thu te, Pastor nemngheh fuihna (1988-2020) a bua chhuah tur hma lak mek a nih thu te, tun dinhmunah Kristian Tlangau copy 44,000, Kristian Naupang copy 32,500 leh Synod Newsletter copy 1,37,000 thla tina tihchhuah thin a nih thu te ngaihthlak a ni.

SL&PB Meeting-ah hian Project thar tur - New Testament Commentary buatsaih chungchang te, 2024-2025 SL&PB Budget te leh Synod Inkhawmpuia pharh tur SL&PB Report te ngaihtuah ho a ni.

Board Meeting zawh hian chawhnu lamah SL&PB buatsaih 'Kohhran Chanchin Dictionary' tlangzarhna hun hman zui a ni a. Tlangzarh inkhawm hi Rev. V.L. Luaia Hranleh, Executive Secretary incharge SL&PB-in a kaihruai a. Rev. Lalbiaknia, SL&PB Editor-in lehkhabu buatsaih a nih dan chungchang a sawi a, SL&PB Executive Committee vawi 45-na chuan Kohhran Chanchin Dictionary buatsaih nise tiin rawtna a siam a, Board Committee vawi 16-naah thlenin pawm a nih hnuah SL&PB Executive Committee vawi 48-na chuan Editorial Board member atan mi pasarih a ruat a. A tul ang bawh zui nghalin innghahna bu atan hian The New International Dictionary of the Christian Church (1978) hman a ni a, mi thiam 38-in lehlin hna an thawk a ni. 

Tlangzarh inkhawmah hian SL&PB Board member-te bakah sawm bik mi eng emaw zat an tel a ni.

For more pics Click Here