Vawiin (Nov. 1, 2023) chawhma dar 10:00 khan Synod Worship Committee chu a vawi 12 nan J.M. Lloyd Hall-ah an thu khawm.
Synod Moderator, Rev. Dr. C. Chawnghminglianan Meeting hi a kaihruai a, Execututive Secretary i/c Worship, Rev. Dr. K. Lallawmzualan report a pe a ni.
Report-ah hian Committee thut inkarah Worship hmalakna chi hrang hrang ngaihthlak a ni a. October 24-27 chhung khan Residential Choir Conductors' Training buatsaih a ni a, mi 31 an tel thei a ni. Kumin chhungin Pathian Biak Inkhawm chungchang Consultation hmun 4-ah neih a ni a. Upper Republic Kohhranah te, Kolasib Hmar Veng Kohhranah te, Biate Kohhranah te, Shillong Mizo Kohhranah te neih a ni. Kristian Hla Bu Phone App siam tura hmalak mek a ni. Zing tawngtai inkhawm bu siam that tum a ni a, hma lak mek zel a ni. Kum 2024-a Nilai leh Beihrual thupui zir tur, 'Kristiante Mawhphurhna' tih chu Synod Press-ah pek luh fel tawh a ni. November, 2022-October 27, 2023 chhungin rawngbawlin (training, seminar, consultation,etc) tum 32 feh chhuah a ni.
Worship Committee thut khawma rel tura chhawp chhuah zingah Synod Music School tana Society Registration chungchang te, 2026 Nilai leh Beihrual thupui ziaktu ruat chungchang te, Kristian Hla Bu en thatnaa hun puma thawktu tur rawih chungchang te, Pathian Biak Inkhawm kalphung zir chianna chungchang te a tel a. Worship Department Budget (2024-2025) leh Synod-a Worship Committee Report pharh tur en ho a ni bawk.
For more Pics Click Here