November 28, 2023 (Thawhlehni) chawhma dar 11:00 khan Kohhran Hmeichhe enkawl “Hmangaihna In” chu Central Kohhran Hmeichhe Committee ten tlawhin hun an hmanpui.
Programme hi Hmangaihna In Recreation Room-ah hman a ni a, Pi Zothanpari, Chairman-in a kaihruai a, Pi C. Lalbiaktluangi, Superintendent, Hmangaihna In chuan report a pe a. Pi Zothansiami, Treasurer-in thuchah tawi a sawi a, kalkhawm te atangin thusawi tawi ngaihthlak a ni bawk. He hunah hian Central Committee chuan Hmangaihna In tan hian Krismas thilpek an hlan a ni.
Hmangaihna In hi kum 1986-a din niin a tîr takah chuan SEC-in Sub-Committee siamin a enkawl a. June 20,1987 atangin Synod Tihdam Rawngbâwlna Board-in a enkawl a. Kum 1991 Synod Inkhâwmpui chuan Kohhran Hmeichhe enkawl turin a rêl a. August 22, 1992 atangin OM hriatpuiin Kohhran Hmeichhia, Central Committee chuan a enkawl ta a ni.
Hmangaihna In din tirh atangin naupang 494 an awm tawh a. Tûnah hian thawktu nghet 11 leh daily-a thawk 9 an awm a, naupang awm zât hi a danglam ve reng a, tûn dinhmunah hian nausen/naupang 25 enkawl mêk an ni.
